ایکس پوسٹ میں سابق وزیر دفاع نے کہا کہ افغانستان کے ساتھ مسائل تجارت تک محدود نہیں ہیں، یہ بہت سنجیدہ نوعیت کے ہیں اور سرفہرست افغان سرزمین کا پاکستان کیخلاف دہشت گردی کیلئے استعمال ہے۔

خواجہ آصف نے لکھا کہ ٹی ٹی پی کابل کی اتحادی ہے، افغانستان کا فرض ہے کہ امن کی ضمانت اور فروغ یقینی بنائے۔

انہوں نے لکھا کہ خیرسگالی اور نیک خواہشات یکطرفہ نہیں ہو سکتیں، مریضوں کے تیماردار کے لبادہ میں دہشت گرد پاکستان آر ہے ہیں۔

لیگی رہنما نے مزید کہا کہ پاکستان کی افواج اور شہری شہید ہو رہے ہیں، سارے پس منظر کو سامنے رکھنے کی ضرورت ہے۔