کاروباری ہفتے کے آخری روز بھی ملکی تبادلہ منڈیوں میں روپیہ کے مقابلے میں امریکی کرنسی کی قدر میں کمی دیکھی گئی۔

انٹربینک میں ڈالر کی قیمت میں1.11 روپے کی کمی آئی۔

اسٹیٹ بینک کے مطابق انٹربینک میں ڈالر296.85 روپے پر بند ہوا۔

ڈیلرز کے مطابق اوپن مارکیٹ میں ڈالر کی قیمت فروخت 1 روپیہ کمی کے بعد 297 روپے ہوگئی ہے۔

واضح رہے کہ گزشتہ روز ڈالر کی قیمت 87 پیسے کمی کے بعد 297 روپے 96 پیسے ریکارڈ کی گئی تھی۔

دوسری جانب پاکستان اسٹاک ایکسچینج (پی ایس ایکس) میں بھی آج کاروبار کا مثبت رجحان دیکھا گیا۔

یہ بھی پڑھیں:

روپیہ مستحکم، ڈالر کا بھاؤ مزید گر گیا

مانیٹری پالیسی کا اعلان، شرح سود 22 فیصد پر برقرار رکھنے کا فیصلہ

ایک موقع پر ٹریڈنگ کے دوران پی ایس ایکس 100 انڈیکس 352 پوائنٹس اضافے کے بعد 46 ہزار 22 پر آگیا تھا۔ تاہم کاروبار کے اختتام پر 100 انڈیکس میں 103 پوائنٹس اضافہ ہوا۔ اور انڈیکس 45 ہزار 753 پوائنٹس پر بند ہوا۔

گزشتہ روز پاکستان اسٹاک مارکیٹ میں 100 انڈیکس 45 ہزار 650 پوائنٹس پر بند ہوا تھا۔