نگراں وزیر قانون عمرسومرو نے 3 محکموں سے افسران کے زیر استعمال تمام سرکاری گاڑیوں کی تفصیلات طلب کرلی ہیں۔

عمر سومرو نے محکمہ قانون، انسانی حقوق اور مذہبی امور کے سیکریٹریز سے گاڑیوں کی تفصیلات طلب کرتے ہوئے کہا کہ تمام غیر متعلقہ افراد سے گاڑیاں فوری منگوائی جائیں۔

نگران وزیر قانون نے ہدایت کی کہ جو سرکاری افسران گاڑیوں کے اہل نہیں ہیں انہیں بھی گاڑیاں واپس کرنی ہیں، محکمہ پر کسی قسم کا غیر ضروری بوجھ ہر گز قبول نہیں کیا جائے گا۔

عمر سومرو نے تینوں محکموں کے سیکریٹریز کو محکمے کی گاڑیاں فوری واپس نہ ملنے کی صورت میں قانونی کارروائی کی ہدایت کردی۔