لیاری گینگ وار کے تاجو گروپ کے کارندوں نے ٹمبر مارکیٹ کے دکانداروں سے فی دکان 5 ہزار روپے ہفتہ طلب کرلیا ہے۔

بھتہ وصولی شروع کرنے پر آل پاکستان ٹمبر ٹریڈرز ایسوسی ایشن کی جانب سے لیاری گینگ وار ملزمان کے خلاف نیپیئر تھانے میں درخواست جمع کروا دی گئی۔

درخواست میں کہا گیا ہے کہ تاجروں نے کاروبار جاری رکھنے کے لئے ابتداء میں 2 ہزار روپے بھتہ دیا، بھتہ خور ایک بار پھر آئے اور بھتہ بڑھا کر دینے کا کہا۔

یہ بھی پڑھیں:

کراچی میں بھتہ خور سرگرم، زیر تعمیر عمارت پر فائرنگ سے چوکیدار جاں بحق

کراچی: ڈکیتی مزاحمت پر ڈاکو خاتون کا گلا کاٹ کر فرار

تاجر نے کہا کہ پولیس نے مقدمہ درج کرنے کے بجائے صرف درخواست وصول کی، استدعا ہے لیاری گینگ وار کے ملزمان کے خلاف کارروائی کی جائے۔