ضلع خوشاب کے علاقے آدھی کوٹ قائد آباد میں مسافر بس اور کار کے تصادم کے نتیجے میں 3 افراد جاں بحق اور دو زخمی ہوگئے۔

واقعے کی اطلاع ملتے ہی پولیس اور ریسکیو کی ٹیمیں جائے حادثہ پر پہنچ گئیں اور لاشوں اور زخمیوں کو ڈی ایچ کیو خوشاب منتقل کردیا گیا۔

ریسکیو حکام کے مطابق مسافر بس لاہور سے بھکر جارہی تھی، جب کہ کار سواروں کا تعلق بھکر سے تھا جو سردگودھا میں بھلوال آئے تھے اور واپس بھکر جارہے تھے کہ واپڈا کالونی کے مقام پر حادثے کا شکار ہوگئے۔

اسپتال اتنظامیہ کا کہنا ہے کہ زخمیوں کی حالت تشویشناک ہے، اور تاحال لاشوں کی شناخت نہیں ہوسکی۔