اپنے ویڈیو بیان میں راشد لطیف نے کہا کہ کچھ لوگوں نے ان معاملات پر آواز اٹھائی کچھ شاید بطور مصلحت خاموش رہے، ان موضوعات پر آواز اٹھنی چاہئیے۔

راشد لطیف نے کہا کہ پی سی بی نے کھلاڑیوں کو اے ٹی ایم مشینز بنایا ہوا ہے، تیم میں بہت اچھے کھلاڑی ہیں لیکن مینیجمنٹ کا فقدان ہے، تواتر سے کھلاڑیوں کا زخمی ہونا کھلاڑیوں کی ناقص مینیجمنٹ کی جانب اشارہ ہے۔

مزید پڑھیں: قومی کرکٹر احمد شہزاد نے ایتھلیٹ ارشد ندیم کو 10 لاکھ کا چیک دے دیا

انہوں نے ڈومیسٹک کرکٹ نظام پر کڑی تنقید کرتے ہوئے کہا کہ جو لڑکے چار پانچ برس پہلے کرکٹ چھوڑ چکے وہ آج گریڈ ٹو میں ہیں۔

سابق کپتان نے سوال اٹھایا کہ قومی کھلاڑیوں کے سینٹرل کانٹریکٹ کیوں از سر نو نہیں بنے؟ تین مہینے سے کھلاڑیوں اور کرکٹ بورڈ کا ڈیڈ لاک ہے۔

ان کا کہنا تھا کہ کرکٹ بورڈ چلانے والا بھی کرکٹر ہونا چاہیے۔