محکمہ موسمیات کے مطابق متوقع بارشوں سے پہلے کراچی میں گرمی بڑھ گئی ہے اور بارش سے قبل آندھی اور گرج چمک کا بھی امکان ہے۔

مزید کہا کہ آج کم سے کم درجہ حرارت 28 ڈگری سینٹی گریڈ اور شہر کا زیادہ سے زیادہ درجہ حرارت 36 ڈگری تک ہونے کا امکان ہے۔

محکمہ موسمیات نے کہا کہ ہوا میں نمی کا تناسب اوسطا 86 فیصد تک رہے گا اور شدید نمی کے باعث گرمی کی شدت 40 ڈگری سے زیادہ محسوس کی جاسکتی ہے۔

واضح رہے کہ شہر میں سمندری ہوائیں تاحال معطل ہیں، مغربی سمت سے 4 کلومیٹر فی گھنٹہ کی رفتار سے ہوا کا سلسلہ جاری ہے۔