دارالحکومت اسٹاک ہوم کے بروما ائر پورٹ میں کئی ماحولیاتی کارکن داخل ہوئے، جبکہ بتایا جا رہا ہے کہ ماحولیاتی کارکنوں نے ایک ہوائی جہاز پر سُرخ رنگ کا اسپرے بھی کر دیا ہے۔

واقعے کی اطلاع ملتے ہی پولیس کی بھاری نفری متاثرہ ائر پورٹ پر پہنچ گئی ہے اور اب تک 17 کے قریب ماحولیاتی کارکن گرفتار کیے جا چکے ہیں۔

اس کے علاوہ متاثرہ فلائٹ کو سویڈن کے مرکزی ارلانڈا ائرپورٹ کی جانب منتقل کر دیا، ان کا مطالبہ ہے کہ سویڈن میں تمام پرائیویٹ جٹس کو فوری طور پر بند کیا جائے۔

ایسوسی ایٹڈ پریس کے مطابق امریکی شہر نیویارک میں اتوار کے روز ہزاروں افراد سڑکوں پر نکل پڑے، ان کا مطالبہ تھا کہ کوئلے، تیل اور قدرتی گیس کی وجہ سے ہونے والی ماحولیاتی تبدیلیوں کو روکا جائے۔

مظاہرین نےامریکی صدر پرغصے کا اظہار کرتے ہوئے کہا کہ تیل اور گیس کے نئے منصوبوں کو بند کرکے موسمیاتی ایمرجنسی کا اعلان کیا جائے۔