پشاور میں دہشتگرد کی گرفتاری میں معاونت کرنے والے سی ٹی ڈی اہلکار کو انعام نہ مل سکا، جس پر اے ایس آئی سی ٹی ڈی امان اللہ نے آئی جی کو درخواست لکھ دی ہے۔

امان اللہ نے درخواست میں بتایا کہ دہشتگرد کی گرفتاری کیلئے معاونت کرنے پر انعام نہیں دیاگیا، اور انعامی رقم مانگنے پر سی ٹی ڈی سے تبادلہ کردیا گیا ہے، جہاں میری تنخواہ بھی کم ہوگئی ہے، اور مجھے اپنے بچوں کو اسکول سے نکالنا پڑے گا۔

ایڈیشنل آئی جی سی ٹی ڈی نے کہا ہے کہ اہلکاروں کی شکایات کا ازالہ کروں گا۔