اسلام آباد ہائی کورٹ کے جسٹس بابر ستار نے راحیل عزیزی کا سیاسی پناہ کے حق سے متعلق تفصیلی فیصلہ جاری کیا۔

عدالتی فیصلے میں کہا گیا ہے کہ راحیل عزیزی کی جان کو افغانستان میں خطرات لاحق تھے، وہ اپنی جان بچانے کے لیے پاکستان آئی۔

عدالت نے کہا کہ افغان خاتون کو آسٹریلیا کی حکومت ویزہ دے چکی ہے، پاکستان میں درج مقدمے کی وجہ سے افغان خاتون آسٹریلیا نہیں جا سکی، اس صورتحال میں راحیل عزیزی کے خلاف فارنرز ایکٹ کے تحت مقدمہ نہیں چلایا جا سکتا۔

واضح رہے کہ ایف آئی اے نے افغان خاتون کے خلاف پاکستانی ویزہ نہ ہونے پر سیکشن 14 فارنرز ایکٹ کے تحت درج مقدمہ درج کیا گیا تھا جسے خارج کردیا گیا ہے۔