نائلہ کیانی نے 8 ہزار 163 میٹربلند مناسلو چوٹی سرکرلی ، وہ ایسا کرنے والی پہلی پاکستانی خاتون ہیں۔

ماؤنٹ مناسلو نیپال میں واقع ہے جو دنیا کی آٹھویں بلند ترین چوٹی ہے۔

گزشتہ شام 6 بجے شاجے کیمپ ٹو سے سمٹ کی جانب پیش قدمی شروع کرنے والی نائلہ کیانی نے آج صبح سوا سات بجے چوٹی سر کی۔

یہ چوٹی سر کرنے سے نائلہ کو 8 ہزار میٹرسے بلند 9 چوٹیاں سر کرنے والی پہلی پاکستانی خاتون ہونے کا اعزاز بھی حاصل ہوا ہے۔

اپریل 2023 میں نائلہ نے نیپال میں دنیا کی 10 ویں بلند ترین چوٹی اناپورنا اول سرکی تھی۔

نائلہ ماؤنٹ ایوریسٹ، کے ٹو، نانگاپربت، گیشربرم ون اور گیشربرم ٹو ، اناپورنا، لوٹسے ،براڈ پیک سرکرچکی ہیں۔

8 ہزارمیٹرسے بلند تمام 14 چوٹیاں سرکرنے کا عزم رکھنے والی پاکستان کی یہ پُرعزم کوہ پیما رواں سیزن میں چین کی چوٹیاں چوایو اور شیشاپنگما سرکریں گی۔