اسلام آباد پولیس 2 سال سے نئی سرکاری وردی سے محروم، پرائیویٹ دکانوں سے خریداری

none@none.com (فہد بشیر) — Fri, 22 Sep 2023 19:40:23 +0500

وفاقی دارالحکومت اسلام آباد کے پولیس اہلکار 2 سال سے سرکاری وردی ، جوتوں اور سرکاری بلیٹ اور بیجز سے محروم ہیں۔

ذرائع کے مطابق پولیس اہلکاروں کو ایک سال میں دو وردیاں، جوتے، سرکاری بیلٹ اور بیجز سرکاری طور پر دیے جاتے تھے۔

اسلام آباد پولیس کا وردی گودام دوسال سے خالی ہے اس لئے اہلکار پرائیویٹ دکانوں سے وردی، جوتے اور بیلٹ لینے پر مجبور ہیں۔

ذرائع کے مطابق ڈولفن فورس کے لیے کروڑوں روپے میں خریدے گئے نئے یونیفارم بھی ناقص ہونے کے باعث تبدیل کردیے گئے۔

افسران بالا نے ڈولفن اہلکاروں کو واپس وفاقی پولیس کا یونیفارم پہننے کا حکم صادر کردیا ہے۔

یہ بھی پڑھیں :

ترجمان اسلام آباد پولیس کے مطابق کوالٹی کو یقینی بنانے کے عمل میں ٹینڈر لیٹ ہوئے تھے۔

Aaj TV - Pakistan