فیصل آباد، چنیوٹ، ساہیوال، شیخوپورہ، قصور، رینالہ خورد میں بادل برس پڑے جبکہ بھوآنہ ،شرقپور اورلالیاں میں بھی بارش سے موسم خوشگوار ہوگیا۔

بارش کے باعث بجلی کے فیڈرز ٹرپ کرجانے کی وجہ متعدد علاقوں کی بجلی معطل ہوگئی جبکہ نشیبی علاقے زیر آب آگئے۔

محکمہ موسمیات نے اسلام آباد،راولپنڈی ، لاہور اورگوجرانوالہ میں موسلادھار بارش کا امکان ظاہر کیا ہے.

موسلادھار بارش کے باعث نشیبی علاقے زیر آب آنے ،مری، گلیات، کشمیر، گلگت بلتستان، چترال، دیر، سوات، کوہستان میں لینڈ سلائیڈنگ کا خطرہ ہے۔

گزشتہ روز سب سے زیادہ بارش بنوں میں 70 ملی میٹرریکارڈ کی گئی جبکہ سرگودھا میں 15 ملی میٹر بارش ہوئی۔

محکمہ موسمیات نے کہا کہ سندھ ،بلوچستان میں موسم گرم رہے گا جبکہ گزشتہ روزتربت میں درجہ حرارت 42 ڈگری سینٹی گریڈ ریکارڈ کیاگیا۔