پولیس کے مطابق صغیر عباس واردات کے بعد سعودی عرب فرار ہو گیا تھا جس کے بعد پولیس نے مجرم کی گرفتاری کے لئے مسلسل فالو اپ لیا۔

پولیس کا کہنا ہے کہ پنجاب پولیس نے انٹرپول کی مدد سے مجرم کا ریڈ نوٹس جاری کروایا اور اسے سعودی عرب سے گرفتار کرکے پاکستان پہنچا دیا گیا ہے۔

اس حوالے سے پنجاب پولیس نے مزید بتایا کہ گرفتار ہونے والے مجرم صغیر عباس کو مزید کارروائی کے لئے میانوالی پولیس کے حوالے کر دیا گیا ہے۔

ترجمان پنجاب پولیس کا کہنا تھا کہ رواں برس لاہور سمیت مختلف اضلاع میں جرائم کے مرتکب بیرون ملک سے 118 اشتہاری ملزمان گرفتار کیے جا چکے ہیں۔

ترجمان کے مطابق مجرمان کو امریکا، برطانیہ، یورپ، افریقا، متحدہ عرب امارات سمیت مختلف ممالک سے گرفتار کرکے پاکستان لایا گیا ہےْ۔