کراچی کے علاقے شاہ فیصل کالونی نمبر 3 میں 2 ڈاکو شہریوں کے ہتھے چڑھ گئے، شہریوں نے دونوں ڈاکوؤں کو کھمبے سے باندھ تشدد کا نشانہ بنایا، اور بعد میں پولیس کے حوالے کردیا۔

عینی شاہدین کا کہنا ہے کہ ڈاکوؤں شہریوں سے لوٹ مار کر رہے تھے، اور راہگیر خاتون سے لوٹ مار کی کوشش کی، تو خاتون نے مزاحمت کردی، جس پر ڈاکووں نے فائرنگ بھی کی، تاہم خوش قسمتی سے خاتون کی جان بچ گئی۔

پولیس کے مطابق ڈاکو تین نمبر ہاجرہ آباد پر لوٹ مار کررہے تھے، کہ عوام کے ہاتھ لگ گئے، عوام نے ان کی خوب درگت بنائی، پولیس نے موقع پر پہنچ کر ملزمان کو گرفتار کرلیا اور ان کے قبضے سے اسلحہ، لوٹا ہوا سامان اور موٹرسائیکل برآمد کرلیا۔