ایف آئی اے حکام کے مطابق ملتان سے عمرہ ویزے پر سعودی عرب جانے والی ایک فیملی سے شک کی بنیاد پر پوچھ گچھ کی گئی تو دوران تفتیش انکشاف ہوا کہ پوری فیملی بھیک مانگنے کے لیے سعودی عرب جا رہی تھی۔

حکام کا کہنا ہے کہ دوران تفتیش فیملی نے بتایا کہ 3 ایجنٹوں نے سعودی عرب میں ان کی رہائش کے انتظامات کیے تھے، بھیک میں ملنے والی آدھی رقم ہم نے ایجنٹوں کو دینا تھی۔

ڈائریکٹر ایف آئی اے خالد انیس نے کہا کہ تمام فیملی ممبران کے خلاف مقدمہ درج کرلیا گیا جب کہ بھکاریوں میں ایک شیر خوار بچہ بھی شامل ہے۔