ہماری فورسز میں قابلیت ہے کہ وہ دہشت گردوں کیخلاف ہر حد تک جائیں، سرفراز بگٹی

none@none.com (ویب ڈیسک) — Fri, 29 Sep 2023 17:06:05 +0500

نگراں وفاقی وزیر داخلہ سرفراز بگٹی نے کہا ہے کہ ہم قوم کو یقین دلاتے ہیں کہ ریاست مظلوم کے ساتھ کھڑی ہے، ہماری فورسز میں یہ قابلیت ہے کہ وہ ان دہشت گردوں کے خلاف ہر حد تک جائیں۔

جمعے کے روز سکیورٹی فورسز نے کالعدم تنظیم کی ژوب میں پاک افغان سرحد کے قریب حملے کی کوشش ناکام بنا کر 3 دہشت گردوں کو ہلاک کردیا جبکہ فائرنگ کے تبادلے میں 4 سکیورٹی اہلکار شہید ہوگئے۔

جس کے بعد نگراں وزیر داخلہ سرفراز بگٹی نے اپنے ویڈیو پیغام میں کہا کہ ژوب سے دہشت گردوں کو دراندزی کو روکتے ہوئے 4 جوان شہید ہوئے، فورسز نے جواں مردی کے ساتھ دہشت گردوں کے عزائم خاک میں ملائے، اسلام کے نام خوارجی ہم پر حملہ آور ہوئے ہیں۔

سرفراز بگٹی نے کہا کہ رسول پاک کی ولادت کا جشن منانے والوں کو نشانہ بنایا ہے جو انتہائی افسوسناک اور قابل مذمت ہے، ہم قوم کو یقین دلاتے ہیں کہ ریاست مظلوم کے ساتھ کھڑی ہے، ہماری فورسز میں یہ قابلیت ہے کہ وہ ان دہشت گردوں کے خلاف ہر حد تک جائیں۔

Aaj TV - Pakistan

ہماری فورسز میں قابلیت ہے کہ وہ دہشت گردوں کیخلاف ہر حد تک جائیں، سرفراز بگٹی

مزید پڑھیں