نواب شاہ میں قاضی احمد کے قریب قومی شاہراہ پر تیز رفتار کار، مسافر بس اور ٹرالر میں تصادم ہوگیا، حادثے میں کوچ کا سیکیورٹی گارڈ جاں بحق اور 8 افراد شدید زخمی ہوگئے۔

واقعے کی اطلاع ملتے ہی پولیس اور ریسکیو کی ٹیمیں جائے حادثہ پر پہنچ گئیں، اور زخمیوں اور جاں بحق شخص کی لاش تعلقہ اسپتال منتقل کردی۔

پولیس نے بتایا کہ تیز رفتار کار اوور ٹیک کرتے ہوئے کھڑے ٹرالر سے ٹکرا گئی، اور پھر عقب سے آنے والی مسافر کوچ کار کو بچاتے ہوئے ٹرالر میں جاگھسی، جس میں کوچ کا سیکیورٹی گارڈ موقع پر ہی جاں بحق ہوگیا۔

پولیس کا کہنا ہے کہ ٹرالر اور مسافر کوچ کو تحویل میں لے لیا ہے، اور دونوں کے ڈرائیور فرار ہوگئے ہیں۔