اینٹی نارکوٹکس فورس (اے این ایف) کا منشیات اسمگلنگ کے خلاف کاروائیوں کا سلسلہ جاری ہے، اور بار علامہ اقبال انٹرنیشنل ایئرپورٹ پر مسافر کے پیٹ سے کوکین بھرے کیپسولز برآمد کیے گئے ہیں۔

ترجمان اے این ایف کے مطابق ملزم پرواز نمبر PK-230 کے ذریعے مسقط سے لاہور پہنچا تھا، اور دوران تلاشی مسافر کے پیٹ سے 53 کوکین بھرے کیپسولز برآمد ہوئے۔

ترجمان کے مطابق ملزم کو گرفتار کرکے انسدادِ منشیات ایکٹ کے تحت مقدمہ درج کرلیا گیا ہے، اور مزید تحقیقات جاری ہیں۔