پاکستانی کوہ پیما سرباز خان نے ایک اور اعزاز اپنے نام کرلیا

none@none.com (ویب ڈیسک) — Mon, 02 Oct 2023 16:36:54 +0500

پاکستان نے کوہ پیمائی میں ایک اور تاریخ رقم کردی ہے، پاکستانی کوہ پیما سرباز خان بلند ترین چوٹیوں میں سے 13 چوٹیاں سر کرنے والے واحد پاکستانی بن گئے۔

بتیس سالہ سرباز خان نے چین کے علاقے تبت میں واقع دنیا کی چھٹی بلند ترین چوٹی ”چو اویو“ (Cho Oyo) سر کرکے ایک اور اعزاز اپنے نام کرلیا۔

انہوں نے آکسیجن سپورٹ کے بغیر اس بلند ترین چوٹی کو سر کیا۔

اس کے علاوہ انہوں نے ’ہمت مرداں مددِ خدا‘ کے تحت آکسیجن سپورٹ کے بغیر 8000 میٹر سے بلند 10 چوٹیاں سر کی ہیں۔

انہوں نے ایک دن پہلے پہاڑ کے کیمپ ون (camp-I) سے اپنے اس مشکل ترین سفر کا آغاز کیا تھا، اور وہ آج اس چوٹی تک پہنچنے میں کامیاب بھی ہوگئے۔

Aaj TV - Pakistan