ایرانی صدر ابراہیم رئیسی نے کہا کہ اسرائیل سے تعلقات کے خواہاں ملک ہارے ہوئے گھوڑے پر شرط لگا رہے ہیں اور معمول کے تعلقات کا جُوا کھیلنے والے ملک ہار جائیں گے۔

تہران میں میڈیا سے گفتگو کرتے ہوئے کہا کہ اسرائیل سے تعلقات قائم کرنا ہاری ہوئی شرط کے مترادف ہے۔

انہوں نے کہا کہ اسرائیل سے معمول کے تعلقات کا جوا کھیلنے والے ممالک اس جوئے میں ہار جائیں گے، یہ ممالک ہارتے ہوئے گھوڑے پر شرط لگا رہے ہیں۔

ابراہیم رئیسی کے جواب میں اسرائیلی وزیراعظم کا کہنا تھا کہ ایران خطے اور انسانیت کیلئے امن کا دائرہ بڑھانے سے نہیں روک سکتا۔