ورلڈ کپ کا کل سے آغاز، ذکا اشرف نے پاکستان ٹیم سے امیدیں لگالیں

none@none.com (ویب ڈیسک) — Wed, 04 Oct 2023 23:24:19 +0500

پاکستان کرکٹ بورڈ (پی سی بی) مینجمنٹ کمیٹی کے چیئرمین ذکاء اشرف نے ورلڈ کپ میں پاکستان ٹیم کے لیے نیک تمناؤں کا اظہار کیا ہے۔

ذکاء اشرف نے اپنے ایک ویڈیو پیغام میں ورلڈ کپ 2023 کے لیے بھارت میں موجود پاکستان کرکٹ ٹیم کے لیے نیک تمناؤں کا اظہار کرتے ہوئے کہا کہ قوم کی نیک تمناؤں اور دعاؤں کے ساتھ ٹیم پاکستان میدان میں اترے گی۔

انہوں نے کہا کہ ہار اور جیت کھیل کا حصہ ہے اس وقت پوری قوم اپنی ٹیم کے ساتھ کھڑی ہے۔

چیئرمین پی سی بی نے مزید کہا کہ ہماری ٹیم میدان میں ڈٹ کر مقابلہ کرے گی اور امید ہے یہ ٹیم ورلڈ کپ ٹرافی جیت کر وطن واپس لوٹے گی۔

کرکٹ کے عالمی مقابلے کا آغاز 5 اکتوبر سے بھارت میں ہونے جا رہا ہے، پاکستان اپنا پہلا میچ 6 اکتوبر کو نیدر لینڈ کے خلاف کھیلے گا۔

روایتی حریف پاکستان اور بھارت 14 اکتوبر کو احمدآباد کے نریندرمودی کرکٹ اسٹیڈیم میں آمنے سامنے ہوں گے۔

قومی کرکٹ ٹیم جیت کے لیے پُرعزم ہے، عالمی مقابلے سے قبل وارم اپ میچوں میں جہاں قومی ٹیم کو شکست کا سامنا کرنا پڑا ہے وہیں بھارتی کنڈیشنز کو جانچنے میں بھی مدد ملی ہے۔

Aaj TV - Sports

ورلڈ کپ کا کل سے آغاز، ذکا اشرف نے پاکستان ٹیم سے امیدیں لگالیں

مزید پڑھیں