پرویز الٰہی نے آفتاب باجوہ ایڈووکیٹ کی وساطت سے اپیل داٸر کی، درخواست میں موقف اختیار کیا گیا کہ سنگل بنچ کا فیصلہ حقاٸق اور قانون کے برعکس ہے۔

درخواست میں کہا گیا کہ پرویز الٰہی کے وکلاء کے قانونی نقاط کو ملحوظ خاطر نہیں رکھا گیا، جوذیشل مجسٹریٹ کو کسی بھی ملزم کو ڈسچارج کرنے کا اختیار ہے۔

درخواست میں عدالت سے استدعا کرتے ہوئے کہا کہ ہائی کورٹ کے سنگل بینچ کے فیصلے کو کالعدم قرار اور جوڈیشل مجسٹریٹ کی جانب سے پرویز الٰہی کو ڈسچارج کرنے کا فیصلہ بحال کیا جائے جب کہ کیس کے فیصلے تک سنگل بینچ کا حکم معطل کیا جائے۔

واضح رہے کہ لاہور ہائی کورٹ کے سنگل بنچ نے گوجرانوالہ مقدمے میں جوڈیشل مجسٹریٹ کا ڈسچارج کرنے کا فیصلہ کالعدم قرار دیا اور ٹراٸل کورٹ کو دوبارہ کیس سن کر فیصلہ کرنے کا حکم دیا تھا۔