ملتان میں میڈیا سے گفتگو کرتے ہوئے یوسف رضا گیلانی کا کہنا تھا کہ سویت یونین کے افغانستان پر حملے کے بعد 35 سے 40 لاکھ افغان مہاجرین یہاں آئے جن کی وجہ سے پاکستان میں مسائل بڑھے، لہٰذا ہم غیر قانونی افغان مہاجرین کے خلاف کارروائی کے حق میں ہیں۔

انہوں نے کہا کہ پیپلز پارٹی کی سی اے سی میٹنگ کے دوران الیکشن کے حوالے سے پارٹی نے تمام تر پالیسی اختیارات چیئرمین بلاول بھٹو اور آصف علی زرداری کو دیئے ہیں، اس معاملے پر تمام تر پالیسی بیان وہی دیں گے۔

الیکشن میں لیول پلیئنگ فیلڈ سب کو ملنے کے حوالے سے سوال پر سابق وزیراعظم کا کہنا تھا کہ فوجی تنصیبات پر حملوں میں ملوث افراد کو الیکشن میں حصہ لینے کی اجازت نہیں ہونی چاہیے، البتہ باقی سب کو انتخابی مہم کی اجازت ہونی چاہیے۔