ہوائی جہاز میں پُرسکون نیند کیسے لیں؟ ماہرین کی تجاویز

none@none.com (ویب ڈیسک) — Fri, 06 Oct 2023 17:32:12 +0500

سیر وسیاحت کے شوقین افراد کے لیے سفر بھی کسی تفریح سے کم نہیں ہوتا، لیکن دورانِ سفرنیند نہ لینا ان کے اس ٹرپ میں رنگ میں بھنگ ڈال دیتا ہے۔

سفر کے دوران اگر نیند نہ لی جائے تو تھکن اور نیند کی کمی کے باعث صرف جسمانی ہی نہیں بلکہ مسافر کو ذہنی تھکاوٹ بھی ہوتی ہے۔

چونکہ فضائی سفر کے دوران اکثر ایسے حالات پیدا ہوجاتے ہیں جو مسافروں کو تھکا دیتے ہیں، جس کے بعد اکثر مسافر جہاز میں سونے کو ترجیح دیتے ہیں تاکہ وہ خوشگوار موڈ میں اپنے ٹرپ سے لطف اندوز ہوں۔

جہاز میں پُرسکون نیند کیلئے ماہرین نے سفر پرروانگی سے پہلے کچھ ضروری تجاویز دی ہیں جن پرعمل کر کے آپ اپنے سفر سے لطف اندوز ہو سکتے ہیں۔

جہاز میں بہتر نشست کا انتخاب

کچن اورٹوائلٹ کے قریب سیٹ بُک کرنے سے گریز کریں اورکھڑکی کے قریب سیٹ بُک کروائیں۔

وقت کا انتخاب

فلائٹ بُک کرتے ہوئے وقت کا خیال رکھیں، فلائٹ بُک کرتے وقت فلائٹ کی روانگی کے اوقات پر غور کریں۔

کوشش کریں کہ صبح کی فلائٹ بُک کروائیں تاکہ آپ رات کی نیند بھرپورلے سکیں۔

کیفین والے مشروب سے اجتناب کریں

فلائٹ سے قبل ایسے مشروب نہ پیئیں جن میں کیفین پائی جاتی ہے، کیونکہ کیفین آپ کی نیند کو فوری بھگاتی ہے۔

آرام دہ لباس

سفر کے دوران آرام دہ لباس کا اتخاب کریں، عام طورپر جہاز میں موجود اے سی کی وجہ سے جسم کا درجہ حرارت کافی کم ہوجاتا ہے۔

یہ آپ کو سر درد محسوس کرواسکتا ہے اور آپ کو نیند آنے میں دشواری بھی ہوگی۔

سفر میں کن چیزوں کو ساتھ رکھیں

گردن کا تکیہ اورآنکھوں کا کور کو اپنے بیگ میں لازمی رکھیں، کیونکہ اس کی مدد سے آپ پرسکون اور آرام دہ نیند حاصل کرنے میں کافی حد تک کامیاب ہوسکتے ہیں۔