غیر ملکی میڈیا رپورٹس کے مطابق خاتون اوّل جل بائیڈن کی ترجماان نے بتایا ہے کہ بائیڈن کے کمانڈر کو مسلسل سیکرٹ سروس ایجنٹس وائٹ ہاؤس کے عملے کے افراد کو کاٹنے کی پاداش میں وائٹ ہاؤس سے نکال دیا گیا۔

حال ہی میں خبر آئی تھی کہ امریکی صدرکے اس پالتو کتے نے خفیہ سروس ایجنٹ کو کاٹ لیاتھا، یہ 11واں حملہ تھا۔

وائٹ ہاؤس کی جانب سے اس حوالے سے جاری کردہ بیان میں ترجمان الزبتھ الیگزینڈر نے کہا کہ صدر بائیڈن اوران کی اہلیہ کووائٹ ہاؤس کے عملے اورحفاظت پر مامورایجنٹس کی حفاظت کا خیال ہے جس کے پیش نظر جرمن شیفرڈ کمانڈ اب وائٹ ہاؤس میں نہیں ہے۔

ترجمان کے مطابق اس حوالے سے آئندہ اقدامات کا جائزہ لیاجارہا ہے۔

ایجنٹ کو کاٹنے کے حالیہ واقعے کے بعد کمانڈر کو وائٹ ہاؤس سے نامعلوم مقام پرمنتقل کردیا گیا۔

امریکی میڈیا رپورٹس کے مطابق کمانڈرکوآخری بار 30 ستمبرکو وائٹ ہاؤس میں دیکھا گیا تھا۔