جنوبی افریقا نے ورلڈ کپ میں نئی تاریخ رقم کردی

none@none.com (ویب ڈیسک) — Sat, 07 Oct 2023 18:36:02 +0500

جنوبی افریقا نے بھارت میں کھیلے جانے والے آئی سی سی کرکٹ ورلڈ کپ میں نئی تاریخ رقم کردی۔

ورلڈ کپ کی تاریخ میں پہلی بار ایک اننگز میں 3 سنچریاں بنائی گئیں۔

ورلڈ کپ 2023 کے چوتھے میچ میں سری لنکا کے خلاف بیٹنگ کرتے ہوئے جنوبی افریقا کے کوئنٹن ڈی کوک، رسی وین ڈر ڈسن اور ایڈین مارکرم نے سنچریاں بنائیں۔

کرکٹ ورلڈ کپ میں اس سے قبل 18 بار اننگز میں 2 سنچریاں بنی ہیں جبکہ ون ڈے کرکٹ کی تاریخ میں صرف چوتھی مرتبہ ایک اننگ میں 3 سنچریاں بنیں۔

4 میں سے 3 مرتبہ یہ کارنامہ جنوبی افریقا، ایک مرتبہ انگلینڈ نے سرانجام دیا۔

جنوبی افریقا نے جنوری 2015 میں ویسٹ انڈیز اور اکتوبر 2015 میں بھارت کے خلاف 3 سنچریاں کیں۔

Aaj TV - Sports