دوسرے زلزلے کا مرکز بھی افغانستان کا شہرہرات تھا، جہاں ہفتے کو آنے والے زلزلے سے ہزاروں افراد ہلاک ہوئے تھے۔

یو ایس جیولوجیکل سروے نے بتایا کہ زلزلہ مقامی وقت کے مطابق صبح 5 بجکر 10 منٹ پر آیا،اس کا مرکز ہرات شہر سے تقریباً 29 کلومیٹر شمال میں تھا۔

جرمن ریسرچ سینٹر فار جیو سائنسز (جی ایف زیڈ) نے کہا کہ بدھ کو شمال مغربی افغانستان میں ایک اور6.3 شدت کا زلزلہ آیا۔

مزید پڑھیں: زلزلے سے تباہی کے بعد پاکستان کا میڈیکل ٹیم افغانستان بھجوانے کا فیصلہ

تحقیقی مرکز نے رپورٹ کیا کہ زلزلے کے جھٹکے 10 کلومیٹرکی گہرائی میں محسوس کیے گئے، لیکن کسی جانی یا مالی نقصان کی کوئی اطلاع نہیں ہے۔

واضح رہے کہ یہ ہفتے کے روز ہرات شہر کے شمال مغرب میں آنے والے متعدد زلزلوں کے چند دن بعد آیا ہے، جس میں دو ہزار سے ذائد افراد ہلاک ہوئے تھے۔