سوشل میڈیا پرمتحرک رہنے والی سامعہ نے گزشتہ روز پاک سری لنکا میچ کے دوران اسٹیڈیم سے دلکش تصاویرشیئرکیں۔

یہ دورہ اس لیے بھی خاص ہے کہ حسن علی کی اہلیہ 2019 میں دبئی میں کرکٹر سے شادی کے بعد سے اب تک بھارت نہیں گئی تھیں۔

ان تصاویرپرتبصرہ کرتے ہوئے بیشتر فالوورز نے سری لنکا کیخلاف حسن علی کی 4 وکٹوں کی وجہ سامعہ کی موجودگی کو قرار دیا۔

ایک صارف نے دلچسپ تبصرہ کرتے ہوئے لکھا، ’ایک حسن ہی صحیح چل رہا ہے سُسرال میں، باقی ٹیم کا اللہ ہی حافظ ہے‘۔

کئی ایسے بھی تھے جنہوں نے پاکستان کی حمایت کرنے پر سامعہ کو تنقید کا نشانہ بھی بنایا۔

حسن علی کو ایشیا کپ میں نسیم شاہ کی انجری کے بعد ورلڈ کپ اسکواڈ میں شامل کیا گیا تھا۔

اس سے قبل میڈیا سے گفتگو میں حسن علی کے سسر کا کہناتھا کہ وہ 14 اکتوبرکو احمد آباد میں شیڈول پاک بھارت میچ کے شدت سے منتظرہیں تا کہ ان کی ملاقات اپنی نواسی سے ہوسکے۔ حسن اور سامعہ کی 2 سالہ بیٹی پہلی بار نانا سے ملے گی۔

مزید پڑھیں

ورلڈ کپ: پاک بھارت میچ میں حسن علی کے سُسر کو داماد کی مدد درکار

’جنریٹر کا چلنا مشکل ہے بھائی، پیٹرول مہنگا ہے‘

’کچھ کہہ رہے تھے آپ شیڈی؟‘ شاداب کے شکوے پر شاہین اور حسن کا جواب

تیسراٹیسٹ: کراچی کی ’بہترین بریانی‘ کی تلاش کے دوران حسن علی کیا کر رہے تھے

ہریانہ کے ضلع نوح سے تعلق رکھنے والے حسن علی کے63 سالہ سسرلیاقت خان ریٹائرڈبلاک ڈیولپمنٹ آفیسرہیں جن کا کہنا تھا ک سامعہ کے یہاں بیٹی کی پیدائش کے موقع پر ان کی اہلیہ 2021 میں پاکستان گئی تھیں اور اب وہ احمد آباد میں دوبارہ ملیں گے۔