سندھ میں نیوٹرل ڈاگ منصوبہ شروع کرنےکافیصلہ کرلیا گیا ہے، آوارہ کتوں کی آبادی کنٹرول کرنے کے لئے 96 کروڑ 33 لاکھ روپے کا منصوبہ بھی تیار کرلیا جو ابتدائی طور پر 2023 اکتوبر سے 2025 کے جون تک جاری رہے گا۔

منصوبے کے لیے 19 اضلاع میں 23 یونٹس قائم کیےجائیں گے، کراچی کے پہلے سے تین یونٹ بھی بحال کردیے گئے جب کہ اس منصوبے میں ڈاکٹرز، محکمہ اینیمل ہسبنڈری، محکمہ بلدیات اور کے ایم سی شامل ہوں گے۔

نیوٹرل ڈاگ منصوبے میں کتوں کے لئے 13 اقسام کے انجیکشن، ان کی ویکسین اور ادویات کی خریداری شامل ہے، آوارہ کتوں کی کونس بندی، خوراک کے ساتھ 12 گھنٹےآبزرویشن میں رکھنے کے بعد منتقلی منصوبے میں شامل ہوگی۔

یہ بھی پڑھیں:

کتوں کا کھلونا چبانا ان کی یادداشت کو بہتر بناتا ہے، تحقیق میں انکشاف

برطانیہ میں کتوں کی ایک مخصوص نسل پر پابندی عائد

ذرائع کا کہنا ہے کہ ایک اندازے کے مطابق کتوں کی تعداد 28 لاکھ سے زائد ہوچکی ہے، آوارہ کتوں کی بہتات حادثات، ماحولیاتی آلودگی کا سبب بھی بنتی ہے اس لئے دیگر ممالک نیوٹرل ڈاگ مہم کے ذریعے کتے بڑھنے پر کنٹرول کرتے ہیں۔

ذرائع نے کہا کہ نیوٹرل ڈاگ مہم 12 اپریل 2020 میں شروع کی گئی تھی جس کے لئے 85 کروڑ 8 لاکھ روپے منظور کیے گئے تھے تاہم رکاوٹوں کے باعث صرف 11 کروڑ 24 لاکھ روپے ہی خرچ ہوسکے۔