تھانہ سروپ کے علاقہ میں زیر تعلیم دو فلسطینی طالب علموں کو مسلح افراد نے تیزدھارآلے سے حملہ کرکے زخمی کردیا، متاثرہ طالب علموں کو طبی امداد کے لیے اسپتال منتقل کر دیا گیا ہے۔

پولیس کے مطابق متاثرہ طالب علم خلدون اور عبدالکریم گوجرانوالہ میڈیکل کالج میں زیر تعلیم ہیں اور اسی عمارت غیر ملکی طالبات بھی رہائش پذیر ہیں۔

پولیس نے کہا کہ کچھ اوباش نوجوانوں کی جانب سے غیرملکی طالبات کو چھیڑنے سے منع کرنے پر چند روز قبل غیر ملکی طالب علموں کی ملزمان کے ساتھ نوک جھونک بھی ہوئی تھی۔

جس کے بعد اوباش نوجوانوں نے غیر ملکی طالب علموں کو تشدد کا نشانہ بنایا، ملزمان کے خلاف مقدمہ درج کے تحقیقات کا آغاز کر دیا گیا ہے۔