اسلام آباد ہائیکورٹ میں سابق پی ٹی آئی رہنما فواد چوہدری کی توہین الیکشن کمیشن کیس کے خلاف انٹرا کورٹ اپیل پر سماعت ہوئی، کیس کی سماعت جسٹس گل حسن اورنگزیب اورجسٹس ثمن رفعت امتیاز نے کی۔

درخواست گزار کے وکیل فیصل چوہدری نے عدالت میں موقف پیش کیا کہ ایک وقت میں کسی ملزم کے خلاف دو فورمز پرکارروائی نہیں کرسکتے، یہ سائل کے بنیادی حقوق کی خلاف ورزی ہے۔

فواد چوہدری کی وکالت کرنے والے ان کے بھائی ایڈووکیٹ فیصل چوہدری نے مزید کہا کہ اگر اس کی اجازت دی جائے تو حکومت مخالفین کو ایسے مقدمات میں الجھائے رکھے گی۔

مزید پڑھیں: فواد چوہدری کی الیکشن کمیشن کے شوکاز نوٹس کے خلاف دائر درخواست پر فیصلہ محفوظ

وکیل کے مطابق درخوست گزار کے خلاف سیاسی بنیادوں پر مقدمات بنائے گئے، سنگل بینچ نے سماعت میں اہم ترین نقاط کو مدنظر نہیں رکھا۔

مزید پڑھیں: الیکشن کمیشن نے فواد چوہدری کی معافی مسترد کردی

عدالت نے کیس میں الیکشن کمیشن کو حتمی فیصلہ کرنے سے روک دیا، اور الیکشن کمیشن کو نوٹس جاری کرکے جواب طلب کرلیا۔