بھارتی میڈیا کے مطابق گزشتہ 24 گھنٹوں میں نوراتری کی تقریبات کے دوران گربا کرتے ہوئے 10 افراد موت کی آغوش میں چلے گئے۔

متاثرین میں کم عمر سے لیکر ادھیڑ عمر کے افراد شامل ہیں، جن میں سب سے چھوٹا 13 سالہ بچہ شامل ہے۔

جمعہ کے روز 24 سالہ نوجوان اور 17 سالہ نوجوان گربا کھیلتے ہوئے دم توڑ گیا، ان واقعات کے بعد ریاست میں کئی کیسز سامنے آئے۔

نوراتری کے پہلے چھ دنوں میں 108 ایمرجنسی ایمبولینس سروسز کو دل کی تکلیف سے متعلق شکایت 521 کالیں اور سانس لینے میں دشواری کے لیے اضافی 609 کالیں موصول ہوئیں، یہ کالیں شام 6 بجے سے 2 بجے کے درمیان ریکارڈ کی گئیں، جب عام طور پر گربا کی تقریبات ہوتی ہیں۔

مذکورہ صورتحال نے حکام کو تشویش میں مبتلا کردیا، حکومت نے گربا مقامات کے قریب تمام سرکاری اسپتالوں اور کمیونٹی ہیلتھ سینٹرز کو الرٹ جاری کرتے ہوئے انہیں ہائی الرٹ رہنے کی تاکید کی ہے۔