سکیورٹی حکام کا کہنا ہے کہ کوئٹہ شہر کے اہم مقامات سمیت جلسے جلوس کے حوالے سے پہلے ہی دفعہ 144 لگائی جاچکی ہے، دفعہ 144 کا مقصد یہی ہے کہ عوام رش وقلی جگہ سے دور رہیں۔

سیکورٹی حکام کے مطابق مستونگ واقعہ کے بعد کوئٹہ شہر میں تھرٹ الرٹ جاری کیا گیا۔

حکام نے ہدایت کی ہے کہ عوام جلسے جلوس نکالنے سے گریز کریں، عوام کی جان ومال کی تحفظ ہماری زمہ داری ہے، عوام کو چاہیے کہ وہ اپنے جان کی تحفظ کے ساتھ ساتھ سیکورٹی حکام کے ساتھ تعاون کریں۔

خیال رہے کہ بلوچستان نیشنل پارٹی کی جانب سے آج اتوار کے روز وڈھ سے کوئٹہ تک لانگ مارچ کیا جارہا ہے، جس کی قیادت بی این پی کے سربراہ سردار اختر مینگل کررہے ہیں۔

سردار اخترجان مینگل نے میڈیا سے گفتگو کرتے ہوٸے کہا کہ لانگ مارچ لاپتہ افراد کی بازیابی اور ڈیتھ اسکواڈ کے خلاف ہے۔

دوسری جانب نگراں وزیر اطلاعات جان اچکزئی نے کہا کہ ہے عدالت عالیہ کے حکم پر امن وامان کے پیش نظر دفعہ 144 نافذ کی ہے۔ بی این پی کے لانگ مارچ کا کوئی جواز نہیں ہے۔ دفعہ 144 کی خلاف ورزی پر قانون حرکت میں آئے گا۔ بی این پی کے جلوس میں فساد کا خطرہ ہے۔