محکمہ صحت سندھ کا کہنا ہے کہ جاں بحق ہونے والے شخص کی شناخت 45 سالہ عدنان طارق کے نام سے ہوئی ہے، جو نیو کراچی کا رہائشی تھا، 18 اکتوبر سے نجی اسپتال میں زیر علاج تھا۔

رواں برس نگلیریا سے 8 افراد جان کی بازی ہار چکے ہیں، جن میں سے 5 کا تعلق کراچی، ایک کا حیدرآباد، ایک میر پور خاص اور ایک کوئٹہ سے ہے۔

صوبائی محکمہ صحت نے کہا کہ نگلیریا فاولری جرثومہ صاف پانی میں پایا جاتا ہے، اگر پانی میں کلورین کی مطلوبہ مقدار شامل ہو، تو نگلیریا فاولری نشونما نہیں پا سکتا۔

نگلیریا جوثومہ ناک کے زریعے انسانی جسم میں داخل ہوتا ہے، جو انسانی دماغ کو چاٹ جاتا ہے، یہ تاحال لاعلاج مرض ہے۔