شہر قائد کے علاقے اورنگی ٹاؤن نمبر دس میں 22 سالہ ارسلان اے ٹی ایم سے پیسے لینے گھر سے نکلا لیکن واپس نہ لوٹا اور گھر میں اس کی موت کی خبر آئی۔

ارسلان کی والدہ کا تو غم سے برا حال ہے۔ کہتی ہیں اور کتنی ماؤں کی گودیں اجڑیں گی ۔ کتنے بچے یتیم ہوںگے، کراچی کو امن کا گہوارہ بنایا جائے۔

ارسلان کے بھائیوں کو تو یقین ہی نہیں آرہا کہ ارسلان اس دنیا سے رخصت ہوچکا ہے، کہتے ہیں ہمارا بھائی ہم سے جدا ہوگیا، ذمے داروں کو کیفر کردار تک پہنچایا جائے۔

سی سی ٹی وی فوٹیج میں ارسلان کو موٹرسائیکل سے زخمی حالت میں گرتے دیکھا جاسکتا ہے۔ فائرنگ سے ایک شہری کی موت شفاف تحقیقات کی متقاضی ہے۔