امریکی میڈیا سے گفتگو میں ملکہ نے کہا کہ غزہ پر اسرائیل کے خطرناک فضائی حملوں پر مغربی دنیا کے دوہرے معیار پر لوگ مایوس ہیں۔

انہوں نے کہا کہ فوری جنگ بندی کا مطالبہ کیوں نہیں کیا جاتا، غزہ میں جو کچھ ہورہا ہے اس کی مذمت بہت کم ہے، بیانیہ ہمیشہ اسرائیل کی طرف کیوں جھکایا جاتا ہے۔

ملکہ رانیہ نے کہا کہ یہ کیسا دفاع ہے، جس میں بچوں،عورتوں کا قتل کیا جا رہا ہے، اسلام بچوں اورعورتوں کے قتل سے منع کرتا ہے۔

انہوں نے مزید کہا کہ عرب ممالک کی نظروں میں مغرب شریک جرم ہے، مغربی ممالک اسرائیلی کی حمایت کرنے پر فلسطینیوں کے قتل عام میں برابر شریک ہیں۔