جسٹس علی باقر نجفی کی سربراہی میں لاہور ہائی کورٹ کے 2 رکنی بینچ نے اپیل پر سماعت کی۔

اپیل میں مؤقف اختیار کیا گیا کہ فرح شہزادی کے بچوں نے ایگزٹ کنٹرول لسٹ (ای سی ایل) سے نام نکالنے کے لئے عدالت سے رجوع کیا لیکن سنگل بینچ نے درخواست مسترد کر دی۔

بینچ نے ذاتی وجوہات کی بنا پر انٹرا کورٹ اپیل پر سماعت سے معزرت کر لی اور فائل چیف جسٹس لاہور ہائی کورٹ کو ارسال کر دی۔

ہائی کورٹ کی دو رکنی بینچ نے اپیل کسی دوسرے بینچ میں سماعت کے لئے مقرر کرنے کی ہدایت کی ہے۔

خیال رہے کہ فرح شہزادی کے بچوں فراز اقبال اور ایمان اقبال نے ای سی ایل سے نام نکالنے کے لئے لاہور ہائی کورٹ سے رجوع کر رکھا ہے۔