پاکستان تحریک انصاف کے رہنما کےخلاف کار سرکار میں مداخلت کے کیس کی سماعت ہوئی، پولیس کی جانب سے گرفتاری میں ناکامی پر عدالت نے ارسلان تاج کے تاحیات وارنٹ گرفتاری جاری کردیئے۔

عدالت میں تفتیشی افسر نے ارسلان تاج کو اشتہاری قرار دینے سے متعلق رپورٹ پیش کی اور بتایا کہ ارسلان تاج کو اشتہاری قرار دینے کی کارروائی مکمل کرلی گئی ہے، جس پر عدالت نے ارسلان تاج کو اشتہاری قرار دے دیا۔

عدالت نے آئندہ سماعت پر گواہوں کو طلب کرتے ہوئے سماعت چودہ نومبر تک ملتوی کردی، سابق رکن سندھ اسمبلی ارسلان تاج پر کار سرکار میں مداخلت اور عوام کو ملکی اداروں کے خلاف اکسانے کا الزام ہے، ان کے خلاف لانڈھی تھانے میں مقدمہ درج ہے۔