سابق صوبائی وزیر تیموجھگڑا نیب آفس خیبر پختونخوا میں پیش ہوگئے، سابق وزیر کو کورونا سامان کی خریداری میں کے پی آر اے رولز اور دیگر قواعد کی خلاف ورزی کیس میں طلب کیا گیا تھا۔

ذرائع کے مطابق نیب جے آئی ٹی نے سابق صوبائی وزیر سے پوچھ گوچھ کی، اور انہیں سوالنامہ تھما دیا۔

ذرائع نے بتایا کہ سابق صوبائی وزیر کو کورونا وبا کے دوران سامان کی خریداری میں خردبرد میں نیب طلب کیا گیا تھا، اور نوٹس میں بتایا گیا کہ سامان کی خریداری میں کے پی اراے رولز اور قواعد کی خلاف ورزی کی گئی تھی۔

نوٹس میں الزام عائد کیا گیا ہے کہ پلاسٹک کے 250 روپے والے جوتے کی قیمت 1950 روپے بتائی گئی، 9 ہزار روپے کے تھرما میٹر کی قیمت 11 ہزار روپے لگائی گئی، جب کہ
پی پی ایز کٹس مہنگی خرید کر قومی خزانے کو 10 کروڑ 24 لاکھ روپے کا نقصان پہنچایا گیا۔ اور حفاظتی کٹس کی قیمت خریداری کے بعد مارکیٹ کی قیمت سے زیادہ درج کی گئی۔

دوسری جانب سابق صوبائی وزیر تیمور جھگڑا نے کہا ہے کہ جب نیب بلائے میں حاضر ہوں گا، نیب کو ہر قسم کی معاونت فراہم کروں گا، میرے ہاتھ صاف ہیں، معاونت فراہمی کو فرض سمجھتا ہوں۔