کراچی میں اوباش نوجوان کی جانب سے خواتین کے ساتھ نازیبا حرکات کرنے کی ایک اور ویڈیو سامنے آگئی ہے۔

اس بار نامعلوم ملزم کی جانب سے نازیبا حرکات کرکے خواتین کو ہراساں کرنے کی ویڈیو کورنگی سے سامنے آئی ہے۔

سی سی ٹی فوٹیج میں موٹر سائیکل سوار شخص کو سرراہ نازیبا حرکت کرتے دیکھا جاسکتا ہے۔

علاقی مکینوں کا کہنا ہے کہ مذکورہ شخص عرصے سے راہ چلتی خواتین کو ہراساں کررہا ہے لیکن سماجی دباؤ کی وجہ سےکوئی بھی خاتون منظرعام پرآنے کے لئے تیار نہیں ہے۔

کورنگی پولیس کا کہنا ہے کہ تاحال ان واقعات کے حوالے سے شکایت موصول نہیں ہوئیں، تاہم سی سی ٹی وی سے متعلق تحقیقات کررہے ہیں۔