ممبئی کرکٹ ایسوسی ایشن (MCA) نے یکم نومبر کو وانکھیڑے اسٹیڈیم میں ایک رنگا رنگ تقریب میں سچن ٹنڈولکر کے ایک عظیم الشان مجسمے کی نقاب کشائی کی، جو سچن ٹنڈولکر کے اسٹینڈ کے قریب نصب کیا گیا۔ مجسمے میں سچن کو ایک اونچی سیدھی ڈرائیو کھیلتے ہوئے دکھایا گیا ہے۔

تاہم، مجسمے کا چہرا اور شاٹ دونوں ہی اسٹیو اسمتھ کے ساتھ ایک غیر معمولی مشابہت رکھتے ہیں اور سوشل میڈیا پر موجود مداحوں کو یہ پہچاننے میں زیادہ دیر نہیں لگی۔

یہاں تک کہ اسٹیو اسمتھ کے پیروڈی اکاؤنٹ اور کچھ مشہور شخصیات نے بھی اس کی نشاندہی کی۔

اسٹیو اسمتھ کے پیروڈی اکاؤنٹ سے پوسٹ کی گئی کہ ’بھارت میں اپنا مجسمہ دیکھ کر خوشی ہوئی، لیکن میں تھوڑا سا لمبا ہوں‘۔

اسی طرح برطانوی صحافی لارینس بوتھ نے لکھا، ’ممبئی کے وانکھیڑے میں اسٹیو اسمتھ کا مجسمہ لگانے کا دلچسپ انتخاب‘۔

ایک صارف نے لکھا، ’ وانکھیڈے کے باشعور حکام نے اسٹیو اسمتھ کے ٹیسٹ اوسط کے اعزاز میں ان کا مجسمہ لگایا ہے’۔

ایک اور صارف نے اپنے خیال کا اظہار کچھ کوں کیا، ’سچن ٹنڈولکر بنانے کے بجائے، مجسمہ ساز نے نیٹ فلکس پر اسٹیو اسمتھ کی آنے والی سوانح عمری کا تصوراتی آرٹ ورژن بنا ڈالا‘۔