ٓآج 19 پروازیں منسوخ ہونے کے بعد 17 روز کے دوران قومی ائیر لائنز کی منسوخ فلائٹس کی مجموعی تعداد 754 ہوگئی ہے۔

کراچی سے اسلام آباد پی کے 368، 369 اور کراچی سے سکھر کی پروازیں 536 اور 537 منسوخ ہوئی ہیں جب کہ آج دمام سے کراچی کی پرواز پی کے 242 بھی اڑان نہیں بھر سکے گی۔

یہ بھی پڑھیں:

پی آئی اےکا اندرون اور بیرون ملک فلائٹ آپریشن 90 فیصد بحال

پی آئی اے اور پی ایس او میں معاملات طے، پروازیں معمول پر آنے کیلئے چند روز درکار

اس کے علاوہ اسلام آباد سے سکھر کی پرواز پی کے 631، 632 بھی منسوخ ہوگئی، اسلام آباد سے کوئٹہ کی پرواز پی کے 325، 326 اور اسلام آباد سے دبئی اور شارجہ کی دو پروازیں بھی منسوخ ہوگئی ہیں۔

دبئی سے ملتان کی پروا زپی کے 222، سیالکوٹ سے شارجہ کی پروازیں پی کے 209اور 210 جب کہ لاہور سے شارجہ کی پرواز پی کے 185 بھی اس فہرست میں شامل ہے۔