اسرائیل کی جانب سے غزہ پر جاری بمباری نے سب ہی کو طیچ میں مبتلا کردیا ہے، پاکستان کے بعد مشہور بھارتی شخصیات کی جانب سے بھی اسرائیل کی مذمت کی جارہی ہے۔

سماجی رابطے کی ویب سائٹ ایکس پر بھارتی کھلاڑی عرفان پٹھان نے ایک پوسٹ شئیرکی تھی، جس انہوں نے لکھا تھا کہ ’غزہ میں ہر روز معصوم بچے اپنی جانوں سے ہاتھ دھو رہے ہیں اور دنیا خاموش ہے، ایک کھلاڑی کی حیثیت سے، میں صرف بات کر سکتا ہوں، لیکن اب وقت آگیا ہے کہ عالمی رہنما متحد ہوں اور اس احمقانہ قتل کو ختم کریں‘۔

کرکٹرعرفان پٹھان کی اس مذمت پر انہیں شدید تنقید کا نشانہ بنایا جارہا ہے، لیکن پاکستانی اداکارہ کرکٹر کی حمایت میں سامنے آگئیں۔

اداکارہ نے ان کی اس پوسٹ کو ری شئیر کرتے ہوئے غزہ کے حق میں آواز اُٹھانے پر اُن کی حمایت کی۔

پاکستان کے خلاف افغانستان کی فتح کا جشن مناتے ہوئے عرفان پٹھان نے جنگ بندی کا مطالبہ کرتے ہوئے کہا تھا کہ ’اب وقت آگیا ہے کہ عالمی رہنما متحد ہوجائیں‘۔

عام تاثر پایا جاتا ہے کہ بھارتی مسلم شخصیات کو اکثر بھارت سے اپنی حب الوطنی ثابت کرنے کے لیے حساس موضوعات پر خاموش رہنا پڑتا ہے۔

اسرائیل فلسطین کے درمیان حالیہ کشیدگی میں بھی زیادہ تر بھارتی انتہا پسندوں کو اسرائیل کی حمایت کرتے ہوئے دیکھا گیا ہے۔