اسلام آباد پولیس کے مطابق ایوب چوک، ایکسپریس چوک اور نادرا چوک سے ریڈ زون کے داخلی و خارجی راستے بند ہیں، متبادل کے طور پر مارگلہ روڈ، سرینا چوک اور تھرڈ روڈ بری امام کو ریڈ زون میں داخلے اور باہر نکلنے کے لیے استعمال کیا جاسکتا ہے۔

جناح ایونیو پر چائنہ چوک سے ایکسپریس چوک تک ٹریفک کے لیے ڈائیورشن ہے، جبکہ متبادل کے طور پر بلیو ایریا اے کے فضل الحق روڈ استعمال کیا جاسکتاہے۔

ناظم الدین روڈ چائنہ چوک سے اتاترک ایونیو جنکشن تک ٹریفک کے لیے بند ہے، متبادل کے طور پر ایف 6 آغا خان روڈ استعمال کی جاسکتا ہے۔

اتاترک ایونیو ناظم الدین روڈ جنکشن سے جیو چوک تک بند ہے اور متبادل کے طور پر جی 6 شہید ملت روڈ کو استعمال کیا جاسکتا ہے۔

پولیس نے ہدایت کی کہ ریلی کے مرکزی مقام کی جانب بڑھنے کے دوران ٹریفک کا دباؤ ہوسکتا ہے، لہذا تاخیر سے بچنے کے لیے مارجن ٹائم 5 سے 10 منٹ رکھیں۔