اداکارہ کی جانب سے بھارتی فاسٹ بالر کو ایک انوکھی شرط رکھتے ہوئے شادی کی پیشکش کی گئی ہے۔

سماجی رابطے کی ویب سائٹ ایکس پر معروف اداکارہ اور سیاسی جماعت میں ویمن ونگ کی نائب صدر پائل گھوش نے ایک پوسٹ شئیر کی ہے۔

شئیر کی گئی پوسٹ میں اداکارہ نے محمد شامی کو ٹیک کرتے ہوئے لکھا کہ ’تم اپنی انگریزی بہتر کرلو تو میں شادی کرنے کو تیار ہوں‘۔

سال 2014 میں محمد شامی اور معروف ماڈل حسین جہاں رشتہ ازدواج سے منسلک ہوئے تھے، لیکن مارچ 2018 میں دونوں نے اپنی راہیں جدا کرلی تھیں۔

بھارتی فاسٹ بالر کی سابقہ اہلیہ نے محمد شامی اور ان کے اہلِ خانہ پر تشدد کا الزام عائد کرتے ہوئے کہا تھا کہ ان کو جان سے مارنے کی بھی کوشش کی گئی ہے۔

اس کے علاوہ محمد شامی کی میگا ایونٹ میں شاندار پرفارمنس کے سبب مقامی میڈیا چینل نے انکی سابقہ اہلیہ حسین جہاں کا انٹرویو لیا تھا، جس کو سوشل میڈیا پر کافی مقبولیت ملی تھی۔

جس میں انہوں نے پر اعتماد رہتے ہوئے کہا تھا کہ اگر محمد شامی اچھا کھیلیں گے اور اچھی کمائی کریں گے تو ان کا مستقبل محفوظ محفوظ ہوجائے گا۔

انٹرویو میں جب حسین جہاں سے فاسٹ بولر کیلئے نیک خواہشات بھیجنے کا سوال کیا گیا تو انہوں نے واضح کیا کہ ’میں ٹیم انڈیا کو اپنی نیک خواہشات ضرور بھیجوں گی لیکن شامی کو نہیں‘۔