ترجمان وزارت صحت کے مطابق پاکستان کے 6 اضلاع سے ماحولیاتی نمونوں میں پولیو وائرس کی تصدیق ہوگئی۔ کراچی سے 4، چمن سے 2 جبکہ پشاو، کوہاٹ اور نوشہرہ سے ایک ایک نمونوں میں پولیو وائرس پایا گیا ہے۔

وزیر صحت ڈاکٹر ندیم جان کے مطابق وائرس افغانستان میں وائی بی تھری اے وائرس کلسٹرسے تعلق رکھتا ہے۔

وزیر صحت کا کہنا تھا کہ حکومت پولیو کے خاتمے کے لیے مربوط بنیادوں پر اقدامات کو یقینی بنارہی ہے، پولیو کا کوئی علاج نہیں ہے، وائرس کی موجودگی سے ہربچے کو خطرہ ہے، صرف ویکسین ہی بچوں کو تحفظ فراہم کرتی ہے۔