اکثر خواتین کیک کو گھر میں بیک کرنے پر ترجیح دیتی ہیں، لیکن دیگر کاموں میں مصروف رہنے کے باعث کئی بار ایسا بھی ہوتا ہے کہ وہ کیک جلا بیٹھتی ہیں۔

ایسی صورتحال میں خواتین گھبراہٹ کا شکار ہوجاتی ہیں، جلے ہوئے کیک کو ضائع کرنے کے بجائے خواتین ان تجاویز کو بروئے کار لاتے ہوئے کیک استعمال میں لاسکتی ہیں۔

جلے ہوئے کناروں کو اسکریپ کریں

جلے ہوئے کیک کو ٹھیک کرنے کا سب سے آسان طریقہ کیک پر سے جلے ہوئے کناروں کو کُھرچنا ہے۔ ان جلے ہوئے حصوں کو آہستہ آہستہ کسی چُھری کی مدد سے بھی ہٹایا جاسکتا ہے۔

مزید پڑھیں:

چوپنگ بورڈ پر جمی تہہ ان طریقوں سے صاف کریں

کھانا پکانے والی خواتین ہاتھوں میں رچی مصالحوں کی بو ایسے ختم کریں

چولہے کے ضدی داغ صاف کرنے کے 4 بہترین طریقے

شوگر سیرپ شامل کریں

کیک جلنے کے بعد نمی کے خاتمے کی وجہ سے خشک ہو جاتا ہے، یہ جلا ہوا کیک ذائقے میں بھی خاصا کڑوا ہوجاتا ہے۔

کیک کے ان جلے ہوئے کناروں کو اسکریپ کرنے کے بعد اس کی کڑواہٹ دور کرنے کیلئے کیک پر شوگر سیرپ کو برش کریں۔

کیک کے خشک پن کو دور کرنے کیلئے اور نمی کو بحال کرنے کیلئے گرم کیک پر مکھن بھی لگایا جاسکتا ہے۔

کیک پر فراسٹنگ لگانا

جلے ہوئے کیک کے ذائقے کو دور کرنے کیلئے فراسٹنگ کا استعمال بھی کیا جاسکتا ہے۔ کیک کے جلے ہوئے حصوں کو ہذف کرکے اس پر فراسٹنگ لگانا نہ صرف اس کے ذائقہ کو بہتر کرے گا بلکہ کیک کو ایک لُک بھی دے سکتا ہے۔

کیک پاپس بنالیں

جلے ہوئے کیک کو ضائع کرنے کے بجائے اس کے کیک پاپس بنا لینا ایک اچھا انتخاب ہے۔ تمام جلے ہوئے حصوں کو کاٹنے کے بعد بقیہ کیک سے کیک پاپس بنالیں۔

اس کیلئے ایک پیالے میں بقیہ کیک کو میش کریں، اس کو کسی فراسٹنگ کے ساتھ اچھی طرح مکس کرلیں۔ اس آمیزے کی چھوٹی چھوٹی بالز بنالیں۔

کسی مشروب کے ساتھ پیش کریں

اگر مندرجہ بالا تکنیک بھی کام نہ آئیں تو جلے ہوئے کیک کو اسکریپ کرکے کیک کو کچھ مشروبات جیسے چائے یا کافی کے ساتھ پیش کریں۔

یہ تکنیک جلے ہوئے کیک کے ذائقے کو اچھی طرح سے دور کردے گا۔