اس اعلان کے بعد پیٹرول کی نئی قیمت 281.34 روپے اور ڈیزل کی نئی قیمت 296.71 روپے فی لیٹر ہوگئی ہے۔

قیاس تھا کہ ایکسچینج ریٹ کے تحت ڈالر مہنگا ہونے سے عوام کو پیٹرولیم مصنوعات کی قیمتوں میں بڑا ریلیف نہیں مل سکے گا۔

پیٹرول اور ڈیزل کے علاوہ مٹی کا تیل بھی 6 روپے پیسے فی لیٹر اور لائٹ ڈیزل آئل کی فی لیٹر قیمت میں ساڑھے 9 روپے ایک پیسے تک کمی کی گئی ہے۔

جس کے بعد مٹی کے تیل کی فی لیٹر قیمت 204.98 روپے اور لائٹ ڈیزل کی نئی قیمت 180.45 روپے ہوگئی۔

خیال رہے کہ غزہ جنگ کے باعث عالمی منڈی میں خام تیل کی قیمتوں میں کمی کا رجحان ہے، اکتوبر میں خام تیل کی قیمت 94 ڈالر فی بیرل تک پہنچ گئی تھی، تاہم، اب برینٹ آئل کی قیمت 81 ڈالر فی بیرل تک آچکی ہے۔

خام تیل کی قیمتوں میں کمی اور ڈالر کی قدر میں اضافے کے پیش نظر امکان تھا کہ پیٹرولیم مصنوعات کی قیمتوں میں معمولی کمی ہو سکتی ہے۔

اس سے قبل نگراں حکومت نے 31 اکتوبر کو پیٹرول اور ڈیزل کی قیمتوں میں ردوبدل نہیں کیا تھا، اور 15 نومبر تک پیٹرول کی قیمت 283.38 روپے اور ڈیزل کی قیمت 303.18 روپے فی لیٹر رہی۔