نگراں وزیر اعلی پنجاب محسن نقوی کی جانب سے پنجاب میں شادی ایکٹ کے تحت ٓتقریبات میں ون ڈش کی پابندی یقینی بنانے کے لیے سخت عملی اقدامات شروع کر دیے گئے ہیں۔

کمشنرز، ڈپٹی کمشنرز اور اسسٹنٹ کمشنرز نے شادی ہالوں پر چھاپے مار دو درجن سے زائد افراد کو گرفتار کر لیا جب کہ 5 شادی ہالز سیل کردیے اور متعدد کو وارننگز بھی جاری کی گئی۔

یہ بھی پڑھیں:

وفاقی شریعت کورٹ نے شادی کی کم سے کم عمر سے متعلق درخواست پر فیصلہ سُنادیا

شادی کی تقریبات، شیئرز کے لین دین پر ٹیکس، جی ایس ٹی شرح 18 فیصد، مشروبات پر بھاری ڈیوٹی عائد

محسن نقوی نے انتظامیہ کو سختی سے ہدایت کی کہ ون ڈش کی خلاف ورزی کرنے والوں کے ساتھ کوئی رعایت نہ برتی جائے اور ان کے خلاف سخت ترین قانونی کارروائی عمل میں لائی جائے۔